Tribuna İnformasiya Agentliyi-Tia.az

  Flaş Xəbərlər
  • Natiq Məmmədlinin yeni kitabı işıq üzü gördü - Foto "Kaspi" qəzetinin baş redaktoru, əməkdar jurnalist Natiq Məmmədlinin "Körpüdə Ümid" adlı romanı işıq üzü görüb.   Tanınmış yazıçı və publisist Natiq Məmmədli ilk romanını oxuculara təqdim edib.  Bu barədə o, öz facebook sosial şəbəkəsindəki profilində məlumat verib.
  • Azərbaycanda püşkatma ilə vəzifə verildi  Xaricdə təhsil almış məzunlar orta rəis heyəti vəzifələrinə təyinat alıb   Dekabrın 20-də Daxili İşlər Nazirliyində Türkiyənin Ankara Polis Akademiyasını və Rusiya Federasiyası DİN-in xüsusi ali təhsil müəssisələrini 2014-cü ildə bitirmiş məzunların orta rəis heyəti vəzifələrinə təyin olunmalarına həsr olunmuş tədbir keçirilib. Tia.az-a Daxili İşlər Nazirliyi mətbuat xidmətindən verilən məlumata görə, daxili işlər naziri, general-polkovnik Ramil Usubov tədbiri açaraq təyinatın şəffaflıq, aşkarlıq və ədalət prinsipləri əsasında gerçəkləşdiyini xatırladıb, son illər davamlı olaraq bu praktikadan istifadə olunduğunu bildirib.  O qeyd edib ki, ölkəmizin və xarici dövlətlərin ali hüquq təhsili müəssisələrinin məzunlarının orta rəis heyəti vəzifələrinə yerləşdirilməsi, ümumilikdə, gənc kadrların hazırlıq səviyyəsinin artırılması, onların peşəkarlığa, dövlətçiliyə, xidməti borca sədaqətə, işgüzarlığa görə vəzifədə irəli çəkilmələri, gənc əməkdaşlara lazımi diqqət və qayğı göstərilməsi DİN rəhbərliyinin daim nəzarətdə saxladığı məsələlərdəndir.  Baş Kadrlar İdarəsinin rəisi, polis general-mayoru Rafiq Abbasov Nazirliyə 18 nəfərin dəvət edildiyini bildirib, vakant vəzifələrin və namizədlərin siyahısını elan edib. Daha sonra püşkatma yolu ilə təyinat aparılıb. Polisin orta rəis heyəti vəzifələrinə iddiaçılar həmin vəzifələrin qeyd edildiyi xüsusi zərfləri çəkiblər.  Tədbirə yekun vuran daxili işlər naziri gənc zabitləri təbrik edərək onlara öz tövsiyyələrini verib. O qeyd edib ki, ulu öndər Heydər Əliyevin müəllifi olduğu, Azərbaycan Respublikasının Prezidenti cənab İlham Əliyev tərəfindən bu gün uğurla davam etdirilən cinayətkarlıqla qətiyyətli mübarizə, ölkəmizdə sabitliyin dönməzliyinin təmini, insan və vətəndaş hüquq və azadlıqlarının nümunəvi qorunması kursu daxili işlər orqanlarının da üzərinə böyük və məsul vəzifələr qoyur. Nazir vətəndaşlara xidmətin şərəfli bir vəzifə olduğunu, hüquq-mühafizə, o cümlədən daxili işlər orqanlarının gərgin səyləri hesabına respublikamızda əmin-amanlığın yaradıldığını, cəmiyyət həyatının bütün sahələrində müşahidə edilən hərtərəfli inkişafın əsasında ulu öndərimizin və möhtərəm Prezidentimizin qeyd etdikləri kimi, məhz sabitlik amilinin dayandığını, bu istiqamətdə əldə olunmuş uğurların dövlətimizin başçısı tərəfindən hər zaman yüksək qiymətləndirildiyini nəzərə çatdırıb.  Nazir məmnunluqla xatırladıb ki, istər ümummilli liderimiz, istərsə də Azərbaycan Respublikasının Prezidenti cənab İlham Əliyev ölkəmizin parlaq gələcəyinin yüksək intellektə, geniş dünyagörüşünə, dərin biliyə və işgüzarlığa malik, mükəmməl təhsil almış, dövlətçiliyə sadiq, vətənpərvər gənclərdən asılı olduğunu dəfələrlə vurğulayıblar. O deyib ki, belə yüksək mənəvi və iş keyfiyyətlərinə malik şəxslərin dövlət idarəçiliyində, o cümlədən daxili işlər orqanlarında xidmətdə irəli çəkilmələri, onların ölkəmizin ictimai-siyasi həyatında daha geniş şəkildə təmsil olunmaları üçün lazımi addımlar atılır.  General-polkovnik Ramil Usubov məzunları bir daha təbrik edərək çətin və şərəfli xidmətlərində uğurlar arzulayıb, polis adını uca tutmalarını, bilik və təcrübələrini artırmalarını, öz üzərilərində daim işləmələrini, ən müasir informasiya texnologiyalarına yiyələnmələrini, vətəndaşların müraciətlərinə həssaslıqla və operativ şəkildə yanaşmalarını, fəaliyyətlərində peşəkar həmkarlarının təcrübəsindən yararlanmalarını tövsiyyə edib.  Daxili işlər naziri əmin olduğunu bildirib ki, gənc zabitlər bu yöndə səylərini əsirgəməyəcək, dövlətçiliyə, anda sədaqətlə xidmət edəcək, göstərilmiş etimadı layiqincə doğruldacaqlar.
  • Mətanət İsgəndərli-"Bu barədə açıqlama vermək istəmirəm"  Əməkdar artist sürprizlər hazırlayır   Daim yaradıcılıq axtarışında olan əməkdar artist Mətanət İsgəndərli Dünya Azərbaycanlılarının Həmrəylik gününə sürprizlər hazırlayıb. Müğənni sevənlərinə sürpriz mahnı təqdim edəcəyini dedi.  “Məni sevənlər üçün bir mahnı surprizim var ki, hələlik bu barədə açıqlama vermək istəmirəm. İfa edəcəyim digər mahnının sözləri isə özümə məxsusdur. Bilirəm ki, bu məni sevənlərin böyük marağına səbəb olacaq. Hit olan mahnılarımdan birinə klip çəkdirmək fikrindəyəm, hələlik seçim edirəm” - deyir.  Əməkdar artist bu il də Yeni ili səhnədə keçirəcəyini söylədi: “Çalışacağam ki, bu Yeni ildə saat 12-yə kimi evimdə ailəmlə bərabər olum. 12-dən sonra şou-proqramlarda çıxışlarım olacaq. Yanvar ayının 1-də isə bayramı Azərbaycanın bölgələrindən birində qeyd edəcəm” , - deyə əlavə etdi.  Yeni mahnılar yazdıran müğənni eyni zamanda klassik musiqilərə də müraciət edib.(ans)
  • Erməni ailəyə Xankəndi zülmü  Muradyan ailəsi oyuncaq rejimi beynəlxalq məhkəməyə verəcək   2013-cü ildə Azərbaycanın işğal edilmiş Qarabağ bölgəsində həlak olmuş Arman Muradyanın ailəsi işğalçı Xankəndi rejimini beynəlxalq məhkəməyə vermək niyyətindədir.  Ailə oğlunun ölümünün intihar kimi qələmə verilməsindən narahatdır. Ailəni narahat edən ikinci məsələ isə onların oğullarının ölümü barədə məhkəmənin orduya çağrıldığı Ermənistanda yox, Dağlıq Qarabağda keçirilməsidir. Buna görə, ailə işi görə etiraz ərizəsi də verə bilmir.  Arman Muradyanın atası Ovsep Muradyan bildirir ki, oğlu əslində Ermənistan ordusunun mayoru Emil Avetisyan tərəfindən öldürülüb. 
  • Şairə Nurəngiz Gün sabah Yasamal qəbiristanlığında dəfn olunacaq  Şairə Nurəngiz Günlə vida mərasimi sabah saat 12-də mərhumun evində keçiriləcək.   Azərbaycan Yazıçılar Birliyinin (AYB) mətbuat xidmətinin rəhbəri Xəyal Rzanın  verdiyi məlumata görə, mərhum Yasamal qəbiristanlığında dəfn olunacaq. Mərhumun üç mərasimi dekabrın 22-də "Təzəpir" Məscidində keçiriləcək Qeyd edək ki, şairə Nurəngiz Gün bu gün gecə saatlarında dünyasını dəyişib. Onun uzun müddət xəstə olduğu bildirilir.(apa)
   
Xəbər Lenti

20 dekabr 2014

19 dekabr 2014

Bütün xəbərlər


Çox Oxunanlar

Arxiv

Facebook

Tribuna İnformasiya Agentliyi

Son Xəbərlər

DAHA ÇOX
Tam versiya