Tribuna İnformasiya Agentliyi-Tia.az

  Flaş Xəbərlər
  • Xarici işlər naziri iki səfiri qəbul edib  Azərbaycan xarici işlər naziri Elmar Məmmmədyarov Filippinin yeni səfiri Maria Rovena Mendoza Sançezi qəbul edib.   Azərbaycan Xarici İşlər Nazirliyinin mətbuat xidmətindən Tia.az-a verilən məlumata görə, görüşdə Azərbaycanla Filippin arasında müxtəlif sahələrdə əlaqələrin inkişaf etdirilməsinə dair fikir mübadiləsi aparılıb, ikitərəfli müqavilə-hüquq bazasının və iqtisadi-ticarət əlaqələrinin genişləndirilməsinin, habelə qarşılıqlı səfərlərin təşkilinin vacibliyi vurğulanıb. Səfir M. Sançez diplomatik fəaliyyəti müddətində ölkəsi ilə Azərbaycan arasında əlaqələrin inkişafı istiqamətində səylərini əsirgəməyəcəyini bildirib. E. Məmmədyarov isə M. Sançesə diplomatik fəaliyyətində uğurlar arzulayıb. E. Məmmmədyarov bu gün həmçinin Tailandın yeni səfiri Tharit Çarungvatı qəbul edib. Görüşdə Azərbaycanla Tailand arasında müqavilə-hüquq bazasının genişləndirilməsi, iqtisadi-ticarət və turizm əlaqələrinin inkişafı, beynəlxalq təşkilatlar çərçivəsində əməkdaşlıq və qarşılıqlı səfərlər məsələləri müzakirə edilib. Səfir T. Çarungvat diplomatik fəaliyyəti müddətində ölkəsi ilə Azərbaycan arasında əlaqələrin inkişafı istiqamətində səylərini əsirgəməyəcəyini vurğulayıb. Öz növbəsində E. Məmmədyarov ona diplomatik fəaliyyətində uğurlar arzu edib. 
  • TAP-ın tikintisi üzrə iki tender elan edilib  “Trans-Adriatik” (TAP) boru kəmərinin keçəcəyi Yunanıstan və Albaniya ərazisində kompressor və ölçmə stansiyalarının inşası üçün ayrı-ayrılıqda iki tender elan olunub.    Bu barədə məlumat TAP-ın rəsmi saytında yer alıb. Məlumatda bildirilir ki, tenderlər boru kəmərinin Yunanıstandan keçən hissəsində - Kipoy məntəqəsində kompressor stansiyasının tikintisi, Albaniyanın Fier məntəqəsində kompressor stansiyasının və Billisht bölgəsində ölçmə məntəqəsinin inşası üzrə keçirilir. Yunanıstan və Albaniyada kompressor stansiyaları üçün turbo kompressor qurğularının alınması üçün elan edilən tenderlər üzrə müqavilələrin 2015-ci ilin ikinci yarısında imzalanması planlaşdırılır. (AzərTAc)  
  • Daxili İşlər Nazirliyinin qarşısında sürücü polisi döydü  Bakıda sürücü yol polisi əməkdaşına qarşı kobudluq edib.   Bu barədə kobudluqla üzləşən yol polisi inspektoru, polis serjantı Mahmudov Elnur Emin oğlu Səbayel Rayon Polis İdarəsi, 9-cu Polis Bölməsinə yazdığı raportda bildirib. E.Mahmudov qeyd edib ki, Azərbaycan prospekti 7 ünvanında (Daxili İşlər Nazirliyinin əsas binasının qarşısında) xidməti vəzifəsini yerinə yetirərkən “BMW X5” markalı, 10 FK 347 dövlət qeydiyyat nişanlı avtomobilin sürücüsünə nəqliyyat vasitəsini qadağan olunmuş yerdə saxladığı üçün xəbərdarlıq edib. Lakin avtomobilin sürücüsü yol polisi əməkdaşının iradına məhəl qoymayıb. Bundan sonra E.Mahmudov həmin vətəndaşa yenidən xəbərdarlıq edib və protokol yazıb. Sürücü isə buna etiraz edib və yol polisinə qarşı kobudluq edib. Şikayətçi polis əməkdaşı bildirib ki, həmin sürücü onun kəmərindən tutaraq itələyib və yerə yıxıb. Araşdırmalardan sonra məlum olub ki, yol polisinə qarşı kobudluq edən şəxs Qubadlı rayonunun Dəmirçilər kəndində anadan olmuş, 1972-ci il təvəllüdlü Kərimov Kərimağa Tacəddin oğludur. Faktla bağlı araşdırmalar davam etdirilir.(lent.az)
  • Almaniya səfiri: “Ermənistan və Azərbaycan Avropanın təcrübəsini nəzərə almalıdır"  “Dağlıq Qarabağ münaqişəsinin sülh yolu ilə həllinin alternativi yoxdur”.   APA-nın “tert.am” saytına istinadən verdiyi xəbərə görə, bunu Almaniyanın Ermənistandakı səfiri Rayner Morel deyib. Alman diplomat ölkəsinin münaqişənin danışıqlar vasitəsilə həllinə nail olmaq istiqamətində ATƏT-in Minsk Qrupu formatını dəstəklədiyini bildirib: “Tərəflər  sonuncu dünya müharibəsindən sonra bir-biri ilə barışan və mehriban yaşayan Avropa nümunəsini nəzərə almalıdır". R. Morel Almaniyanın Cənubi Qafqazda sülh və sabitliyin qorunmasında maraqlı olduğunu söyləyib: “Cənubi Qafqaz regionu coğrafi baxımdan Avropa İttifaqının qonşusudur. Bütövlükdə Avropa İttifaqı və onun üzvü kimi Almaniya Federativ Respublikası regionda sülh və müsbət inkişafda maraqlıdır. Bundan başqa, bu region həm də Avropa və Mərkəzi Asiya arasında mühüm keçid kanalı və körpüdür”.   Səfir ölkəsinin Ermənistanla Türkiyə arasında münasibətlərin normallaşdırılmasında maraqlı olduğunu vurğulayıb: “1993-cü ildən Türkiyə-Ermənistan səhədinin bağlı qalmasını biz alqışlamırıq. Bizlər də Berlin divarının aradan qaldırılması məsələsində çətinliklə üzləşmişdik. Bizə divarlar və sərhədlər deyil, körpülər lazımdır”. 
  • Məşhur şirkətlərin adı nazirliyin “qara siyahısı”nda  Vergilər Nazirliyi borclu vergi ödəyicilərinin bu günə olan yeni siyahısını açıqlayıb.   Tia.az nazirliyin saytına istinadən xəbər verir ki, siyahıda 197 fiziki və hüquqi şəxsin adı yer alıb. Həmçinin siyahıda bir sıra tanınmış şirkətlərin və qurumların adına rast gəlmək olar. Onlardan bəzilərinin adlarını təqdim edirik: “HESS (ACG) LİMİTED” şirkətinin Azərbaycandakı filialı, “MİLK-PRO” MMC, “Bakı-Şərab-2” ASC, “AZ-Maş” QSC, “Arena” ASC, “Bakelektromaşın” ASC, “Delta İnvestment” şirkəti, “Elite Travele” MMC, “Hüquq Maarifçiliyi Cəmiyyəti”, “Avto-Qarant” ASC, “Azərtikintiservis” MMC, “Azərkabel” ASC və s.   SEVİL
   
Xəbər Lenti

26 noyabr 2014

Bütün xəbərlər


Çox Oxunanlar

Arxiv

Facebook

Tribuna İnformasiya Agentliyi

Son Xəbərlər

DAHA ÇOX
Tam versiya