Tribuna İnformasiya Agentliyi-Tia.az

  Flaş Xəbərlər
  • Hacı İbrahim “Xəzər adaları”nın birini çex şirkətinə satdı-395 milyon avroluq sövdələşmə  Çexiyanın nəhəng tikinti şirkəti PSJ Hacı İbrahim Nehrəmli kimi tanınan iş adamı, “Avesta” konserninin sahibi İbrahim İbrahimovun “Xəzər adaları”ından birini alıb.   Çexiya KİV-ləri xəbər verir ki, şirkət “Xəzər adaları”ına daxil olacaq 41 adadan birinə dair müqavilə bağlayıb. Müqaviləyə əsasən PSJ həmin adada 4 binadan ibarət yaşayış kompleksi yerləşəcək, kompleksin inşasını çex şirkəti həyata keçirəcək. Müqavilənin ümumi dəyəri 395 milyon avrodur.   “Biz bütün adaya dair müqavilə bağlamışıq və orada dörd yaşayış binası inşa ediləcək. Hazırda birinci binanın tikintisi üçün maliyyə mənbələri tapmağa çalışırıq. Bu binanın tikintisi 100 milyon dollara başa gələcək” - deyə şirkətin ixrac bölməsinin rəhbəri Yaroslav Jirkovski bildirib.  Çexiya KİV-ləri qeyd edir ki, Azərbaycanda bağlanan müqavilə PSJ şirkəti üçün Rusiya və Ukraynada azalan müqavilələrin yerini doldurmağa kömək edəcək. İki ölkə arasında münaqişə başlayandan sonra PSJ-nin işləri zəifləyib. Şirkət Kiyevdə 100 milyon avroluq ticarət mərkəzinin tikintisini dayandırmalı olub.  Hacı İbrahimin “Xəzər adaları” layihəsinin ümumi dəyəri 100 milyard dollardan çox göstərilir. Nehrəmli iş adamı bu layihə ilə bağlı geniş reklam kampaniyası aparsa da hələlik onun Xəzərdə süni adalar üzərində 1 milyonluq şəhər salmaq ideyasının həyata keçirilməsi yönündə çox az iş görülüb. İş adamı vəd vermişdi ki, layihənin açılışı bu ilin mayında olacaq. Lakin göstərilən tarixdə açılış mərasimi olmadı. (virtualaz)
  • Abşeron sakini bir nəfəri güllələyib  Abşeronda silahlı insident baş verib.   Rayon Polis Şöbəsindən verilən məlumata görə, hadisə noyabrın 1-ə keçən gecə Abşeron rayonunun Hökməli kəndində qeydə alınıb. Rayon sakini Fəqani Şükürov evinin yaxınlığında aralarında baş vermiş münaqişə zəminində ov tüfəngindən atəş açaraq 25-30 yaşlı kişiyə xəsarət yetirib və yaralını idarə etdiyi “VAZ-2121” markalı avtomobildə Klinik Tibbi Mərkəzə aparıb. Həmin şəxs aldığı xəsarətdən orada dünyasını dəyişib. F.Şükürov könüllü olaraq Abşeron Rayon Polis Şöbəsinə gələrək təslim olub və hadisəni törədərkən istifadə etdiyi müvafiq sənədləri olan “Etro” markalı ov tüfəngini təhvil verib. Faktla bağlı araşdırma aparılır.(APA)
  • Dəm qazı iki nəfərin də həyatına son qoydu  Ölkədə daha bir neçə zəhərlənmə faktı qeydə alınıb. Daxili İşlər Nazirliyindən Tia.az-a verilən məlumata görə, oktyabrın 31-də Yasamal rayonunda zəhərlənmə faktı qeydə alınıb. Belə ki, Bakı şəhər sakini Nicat Hacıbəyli yaşadığı evdə dəm qazından zəhərlənərək ölüb.  Eyni zamanda, Qazax rayon sakini Rafət Rzayev də dəm qazından zəhərlənib. Xəstəxanaya gətirilmiş şəxs orada dünyasını dəyişib.
  • Evində tiryəkxana açdı - FOTO  Lənkəranda evində tiryəkxana açan şəxs yaxalanıb.   Daxili İşlər Nazirliyinin mətbuat xidmətindən Tia.az-a verilən məlumata görə, Lənkəran şəhər rayon Polis Şöbəsinə rayonun Göyşaban kəndindəki evlərdən birində tiryəkxana saxlanması barədə məlumat daxil olub. Aparılmış əməliyyat axtarış tədbirləri nəticəsində həmin kənd sakini, 44 yaşlı Səlim Ağayev yaşadığı evdə tutulub. Əməliyyat zamanı həmçinin onun evinə gəlmiş müştərilər – 27 yaşlı Hikmət Ağayev və 40 yaşlı Sevinc Dadaşova da saxlanılıblar. Evə baxış zamanı 700 qram heroin, 600 qram tiryək, ümumi çəkisi 200 qramdan çox olan 12 kibrit qutusuna qablaşdırılmış marixuana, narkotik maddə hazırlamaq və inyeksiya yolu ilə qəbul etmək üçün lazım olan vasitələr, şprislər, psixotrop tərkibli dərman preparatları, 2 ədəd beşbarmaq, 1 ədəd elektron tərəzi, xeyli sayda mobil telefon, qızıl zinət əşyaları, 4 ədəd bıçaq, 4 ədəd xəncər və digər əşyalar aşkarlanaraq maddi sübut kimi götürülüb. Səlim Ağayev ilkin ifadəsində bildirib ki, narkotik maddələrin kütləvi satışı ilə xeyli müddətdir ki, məşğuldur. O, qeyd edib ki, narkotik maddələri İran İslam Respublikasından ölkəmizə qaçaqmalçılıq yolu ilə gətirib. Araşdırmalarla o da müəyyən edilib ki, Səlim Ağayevin evinə gələn müştərilər narkotik maddələri alaraq elə oradaca qəbul edirmiş. Səlim Ağayev, həmçinin saxlanılan digər şəxslər ifadələrində bildiriblər ki, polis əməkdaşlarının onları yaxalayacağından qorxaraq bu işlə kənarda məşğul olmayıblar. Ələ keçməmək üçün narkotik tərkibli maddələr evdə bişirilib  hazırlanıb, elə orda da inyeksiya yolu ilə qəbul edilib. İstintaq zamanı daha sonra müəyyən edilib ki, Səlim Ağayev pulu olmayan müştərilərə narkotik maddələri girov almaq şərti ilə də verib. Belə ki, bəzi müştərilər mobil telefonlarını, şəxsiyyət vəsiqələrini, digər qiymətli əşyalarını və bəzən də evlərindən oğurlayaraq gətirdikləri bahalı malları Səlim Ağayevin evində girov qoyaraq narkotik maddə alıblar. Səlim Ağayevin yaşadığı evə baxış zamanı narkobaronların kriminal aləmdə qəbul etdiyi xüsusi emblemlər də aşkarlanıb. Səlim Ağayev bildirib ki, bu emblemləri müştəriləri cəlb etmək üçün daim həyətdə göz önündə saxlayıb. Faktla bağlı Cinayət Məcəlləsinin müvafiq maddələri ilə cinayət işi açılıb, istintaq aparılır.   
  • “Porsche”nin reklamında qanun pozuntusu aşkarlanıb  İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən reklam bazarında aparılmış araşdırmalar zamanı “Porsche” markalı avtomobillərin reklamlarında istehlakçıların çaşdırılmasına səbəb olan qeyri-dəqiqlik əlamətləri aşkar edilib.   İqtisadiyyat və Sənaye Nazirliyindən Tia.az-a verilən məlumata görə, reklamlarda “Porsche” markalı avtomobillərin digər avtomobil markalarından üstünlüyü fikrini yaradan “Porsche – ormanların padşahı” və “Porsche – komfort etalonu” məzmunlu ifadələrdən istifadə edildiyi müəyyən olunub. Bununla əlaqədar bu reklamların sifarişçisi və həmin avtomobillərin satışını həyata keçirən “Əfəndilər” MMC barəsində antiinhisar qanunvericiliyinin tələblərinin pozulması əlamətləri üzrə iş qaldırılıb. Araşdırmalar davam etdirilir.
   
Xəbər Lenti

01 noyabr 2014

31 oktyabr 2014

Bütün xəbərlər


Çox Oxunanlar

Təqvim

Facebook

Tribuna İnformasiya Agentliyi

Son Xəbərlər

DAHA ÇOX
Tam versiya