Tribuna İnformasiya Agentliyi-Tia.az

  Flaş Xəbərlər
  • Dağlıq Qarabağda erməni hərbçilər nədən ölür - Kəşfiyyat məlumatı  Cəbhədə baş verən gərginlik Ermənistan Silahlı Qüvvələrini özbaşına tərk edən hərbi qulluqçuların sayının artmasına səbəb olub.   Müdafiə Nazirliyinin mətbuat xidmətindən  verilən məlumata görə, əldə olunan son məlumatlara əsasən, işğal olunmuş ərazilərdə yerləşən erməni bölmələrindən birinin əsgəri Ermənistandan hərbi xidmətə çağırılmış Nikolay Martirosyan digər hərbi qulluqçular tərəfindən məruz qaldığı təhqirlərə və zorakılığa dözməyərək qollarının damarlarını kəsərək həyatına qəsd edib. Digər bir fakt isə xidmətin çətinliyinə dözməyən əsgər Vahan Şahanyanın həyatına qəsd etmək məqsədilə özünü hündür qayadan atması olub. Əsgər sağ qalsa da ağır kəllə-beyin və aşağı ətrafın ikitərəfli sınığı diaqnozu ilə alayın tibb məntəqəsinə yerləşdirilib. Əldə olunan başqa bir məlumat isə hərbi hissədəki acınacaqlı vəziyyətə dözməyərək, qoşunların təmas xəttini keçməyə cəhd göstərən 2014-cü ilin birinci çağırışında hərbi xidmətə gəlmiş erməni əsgərinin öz xidmət yoldaşları tərəfindən arxadan atəş açılaraq öldürülməsi və dayaq məntəqəsində onun meyitinin tələm-tələsik basdırılmasıdır.
  • Olland dünyaya səsləndi  Fransa prezidenti Davos forumunda bəyanatla çıxış edib   Terrora qarşı mübarizə qlobal, beynəlxalq səviyyədə və terrora qarşı ön cəbhədə dayanan ölkələr arasında müştərək səviyyədə olmalıdır.  ANS PRESS-in məlumatına görə, bunu Fransa prezidenti Fransua Oland İsveçrədə Davos forumunda terrora qarşı mübarizəyə həsr olunmuş sessiyada çıxışı zamanı deyib.  "Terrora qarşı mübarizədə hərəkət etmək öhdəliyi olan böyük dövlətlər biznesi də buraya qatmalı və qlobal maliyyə sistemi terror qruplaşmalarına edilən bütün maliyyələşmələri kəsməlidir", - deyə Fransua Olland bildirib.  Fransa prezidenti internet şirkətlərini də terrorla mübarizədə hökumətlərə yardımçı olmağa çağırıb. 
  • Milli ilə bağlı yeni qərar  Azərbaycan yığmasının matçı Tofiq Bəhramov adına Respublika stadionunda keçiriləcək   Azərbaycan millisi ilə bağlı yeni qərar verilib. ANS PRESS-in AFFA-ya istinadla verdiyi məlumata görə, Avro-2016-nın seçmə mərhələsində martın 28-də Azərbaycan və Malta milli komandaları arasında qarşılaşma Tofiq Bəhramov adına Respublika stadionunda keçiriləcək. Qeyd edək ki, bu oyunun əvvəlcə “Bakcell Arena”da keçirilməsi nəzərdə tutulmuşdu. Lakin eyni gündə Bakıda 17 yaşadək futbolçulardan ibarət komandalar arasında Avropa çempionatının elit-raund qarşılaşmaları da keçiriləcəyi nəzərə alınaraq, AFFA millinin oyununun digər stadionda təşkili ilə bağlı UEFA-ya müraciət ünvanlamışdı.  Artıq Avropa futbol qurumu bu müraciəti müsbət cavablandırıb.
  • Müdafiə Nazirliyi 17-22 yanvar tarixlərində gedən döyüşlərin statistikasını açıqlayıb  Ukrayna Müdafiə Nazirliyi 17-22 yanvar tarixlərində Donbassda gedən şiddətli döyüşlərlə bağlı statistikanı açıqlayıb.   APA-nın “112.ua” telekanalının saytına istinadən verdiyi məlumata görə, nazirlik bu müddət ərzində Donetsk və Luqansk vilayətləri (Donbass) ərazisində 600-ə yaxın separatçının və Rusiya əsgərinin öldürüldüyünü bildirib: “Qarşı tərəfdən təxminən 175 nəfər yaralanıb. İtkilərin yekun sayı daha çox ola bilər, çünki düşmən bəzi yaralıları döyüş meydanından çıxara bilib”.       Eyni müddətdə Ukrayna ordusu qarşı tərəfin 14 tankını, 43 ədəd zirehli texnikasını, 14 ədəd “Qrad” və “Uraqan” qurğusunu, 28 ədəd özüyeriyən artilleriya qurğusunu, 15 ədəd avtomobil texnikasını məhv edib. Təkcə Donetsk aeroportunda 85 silahlı öldürülüb, 53-ü yaralanıb, 7 tank, 12 zirehli texnika, 9 ədəd avtomobil və 1 ədəd MT-12 topu sıradan çıxarılıb.         Ukrayna tərəfinin itkilərinə gəlincə isə, Müdafiə Nazirliyi göstərilən müddət ərzində Silahlı Qüvvələrin 18 hərbçisinin həlak olduğunu, 235 əsgərin yaralandığını açıqlayıb. Bundan başqa, separatçılara əsir düşən əsgər və zabitlər də var. 1 tank, 7 zirehli texnika, 2 top, 7 ədəd avtomobil texnikası itirilib.   Qeyd edək ki, separatçılar da öz növbəsində Ukrayna tərəfinin itkilərinin daha çox olduğunu iddia edir və Ukrayna tərəfinin bu itkiləri gizlətdiyini bildirirlər. 
  • Azərbaycan nefti bahalaşıbÖtən həftə - 19-23 yanvar tarixlərində Azərbaycanın İtaliyanın Augusta limanından CIF şərtləri ilə Supsa, Batumi (Gürcüstan) və Ceyhan (Türkiyə) limanları vasitəsilə satdığı AZERI LT (CIF) növlü neftin orta qiyməti 49,69 dollar/barel təşkil edib ki, bu da əvvəlki həftənin göstəricisindən 0,48 dollar/barel çoxdur.   Trend-in məlumatına görə, 19-23 yanvar həftəsində AZERI LT-nin qiyməti maksimum 49,95, minimum isə 49,36 dollar/barel təşkil edib. 19-23 yanvar həftəsində Azərbaycanın Novorossiysk limanından satdığı URALS (EX-NOVO) növlü neftin qiyməti 44,37 dollar/barel təşkil edib ki, bu da əvvəlki həftənin qiymətindən 1,08 dollar/barel çoxdur. 19-23 yanvar URALS-ın qiyməti maksimum 44,61, minimum isə 44,19 dollar/barel olub. URALS-ın API üzrə qatılığı 32 dərəcə təşkil edir, kükürdün miqdarı isə 1,3 faizdir. Lakin satış zamanı müxtəlif vaxtlarda, tərkibində daha çox keyfiyyətli (və ya daha az) neftlərin dominantlığından asılı olaraq, bu neftin spesifik xüsusiyyətləri dəyişir. 19-23 yanvar həftəsində "Brent Dated" növünün orta qiyməti 46,87 dollar/barel təşkil edib. Bu rəqəm ötən həftəkindən 0,34 dollar/barel çoxdur. Ötən həftə "Brent"in maksimum qiyməti 47,01 dollar, minimum isə 46,6 dollar/barel təşkil edib.
   
Xəbər Lenti

24 yanvar 2015

23 yanvar 2015

Bütün xəbərlər


Çox Oxunanlar

Arxiv

Facebook

Tribuna İnformasiya Agentliyi

Son Xəbərlər

DAHA ÇOX
Tam versiya